阿茂整月餅 (前傳)

當大家都興致勃勃走去浸健康酵素,  我呢個阿茂卻唱反調,

打算走去整勁唔健康嘅月餅. 事緣今日經過 Phoon Huat, 見到

有好多月餅模和做月餅配件賣, 於是心癢癢, 就買番個木製月餅模.

以前買過塑膠模做月餅, 唔掂㗎! 局完出嚟啲花紋會無晒㗎! 木製模,

紋路深, 出嚟嘅月餅應該會靚仔啲.  

     

買番嚟之後要浸油, 擺兩三日先可以用. 如果唔抹油, 好易"局"爆. 浸油前要用

牙簽篤實左右兩個窿.  點解?  我估係防止啲油流出嚟, 咁簡單嘅道理, 我都諗

一輪, 轉數越來越慢, 慘喇

初次用, 唔可以偷工減料, 要抹勻全個.  

油光滿面後, 再影一幅先. 各位星國朋友, 如有興趣買月餅模就要快手喇,

過去經驗, Phoon Huat 年年都好快 SOLD OUT. 一個盛惠S$8.65, 可用10年

8載, 低玩!   

同場加影, 我個學生~小魔怪. 我POST 過佢彈琴㗎, 記唔記得佢?

~~可知我平日幾勞氣吖!