整餅四人組

如果我唔講我哋係整冰皮月餅, 可能大家都估唔到呢舊係乜咚咚! 

國慶後一日, 榮幸地請了三位靚太 (早安, 車喱子, 胡阿媽) + 一位俊哥

(早安先生) 來我家小聚.  主要係嚟

玩吓野, 吹吓水  食飽飽後就開公喇...

我哋四條友都無人做過冰皮月餅, 咁唯有齊齊上網睇video, 睇吓人哋

點整先, 老實講, 我無乜點睇, 近日心情沉重. 大部份時間都係到遊魂.朋友

們, 靠你哋喇!  

開工之前, 都無話明啊邊個邊個負責整邊part.  一開波, 大家都識得自

動自覺走位, 你"跋", 我稱, 佢炒...好彩,四個女人係咁細嘅廚房都無撞

埋一堆纍.

  

  呢對玉手係邊個㗎?

其實我想講... 玩吓嗟, 大家唔駛咁博吓嘛...! 做出嚟唔好食我都照食㗎..

但係如果我係果嗰時候講出嚟, 佢哋可能會叉我,  算罷喇, 都係跟大隊..

  我哋做出嚟嘅冰皮...就係咁㗎喇..

  奶皇餡

點解咁濕嘅? 好唔正常??

  

最後, 壓模造型. 我又遊魂.. 成日唔記得搽粉先上模. 搞到lei 咁hea. 

 

正式嚟講, 呢個唔係月餅模, 所以扁咗啲, 我哋都唔係志在食,

係志在玩, 做到咁都好滿意㗎哪. 散band 後, 早安打比我,

"  喂, 車喱子突然醒起, 話我哋唔記得落2隻雞蛋啊! "

" 唔係化, 無人知嘅..!"

 唔怪得之個餡咁濕喇! 我當場笑到噴飯!